Semeıde joǵalǵan balany izdeýge 1000-nan astam adam jumyldyryldy
SEMEI. KAZINFORM – Semeı qalasynda 7 jastaǵy balany izdestirý jumystary aýqymdy túrde jalǵasyp jatyr.
22 maýsym kúni saǵat 01:40-taǵy jaǵdaı boıynsha izdeý sharalaryna 1000-nan astam adam tartylǵan.
Abaı oblysy polıtsııa departamentiniń úndeýine volonterler, qoǵamdyq birlestikter men jergilikti turǵyndar belsendi túrde ún qosty. Іzdeý jumystaryna polıtsııa qyzmetkerlerimen birge arnaıy maqsattaǵy SOBR bólimshesiniń jaýyngerleri jáne Ulttyq ulannyń áskerı qyzmetshileri jumyldyrylǵan.
Orman alqaptary, ashyq dala men irgeles aýmaqtar muqııat tekserilip jatyr. Balanyń barýy múmkin barlyq baǵyttarǵa polıtsııanyń qos-qostan jasaqtary jiberildi. Patrýldik polıtsııa batalonynyń kúshteri kúsheıtilip, qyzmettik ıtter tartyldy.
Ashyq aýmaqtarda tizbektele aralap izdeý ádisi qoldanylyp jatyr.
Aıta ketelik Semeıde 7 jasar balany izdestirip jatqany týraly jazǵan edik.