Semeıde joǵalǵan áıeldi izdeý jumystary 1,5 aıǵa sozyldy
ÓSKEMEN. QazAqparat - Semeı polıtsııasy men eriktileri qujatsyz, aqshasyz jáne telefonsyz bir jarym aı buryn joǵalǵan 56 jastaǵy Sáýle Sadýaqasovany izdep jatyr, dep habarlaıdy «QazAqparat» HAA tilshisi.
Áıel úıinen shyǵyp ketip, qaıta oralmaǵan.
Polıtseıler atap ótkendeı, áıeldiń joǵalǵany týraly aryzdy onyń ákesi túsirgen. Ony sońǵy ret 28 qazanda tsement kenti aýmaǵynan kórgen.
«Rina.kz - Semeı» eriktiler qozǵalysynyń kóshbasshysy Evgenıı Paveldiń aıtýynsha, joǵalǵan áıeldiń uly ol kezde áskerde bolǵan.
«Ol týraly basqa eshqandaı aqparat joq, tek onyń qujaty da, aqshasy da, uıaly telefony da joq ekeni belgili. Onyń kıip ketkenin de bilmeımiz. Áıeldiń adasyp qalýy da múmkin».
Belgili bolǵandaı, onyń uly Rahat áskerden 1 jeltoqsanda kelgen. «QazAqparat» HAA tilshisine málim etkendeı, onyń anasy týraly ázirge eshqandaı aqparat joq. Іzdestirý jumystary jalǵasyp jatyr.
Ol týraly qandaı da bir aqparat biletin jandardyń myna telefon nómirlerine habarlasýyn suraıdy: 8-777-349-57-17, 8-778-307-33-34, 8-707-520-83-04 nemese 102.
