Semeıde joǵalǵan 7 jastaǵy bala aman-esen tabyldy

SEMEI. KAZINFORM – Semeıde kúndiz úıinen shyǵyp ketip, qaıta oralmaǵan jeti jastaǵy balany izdeý jumystary aıaqtaldy, dep jazdy Kazinform agenttiginiń óńirdegi menshikti tilshisi.

Polıtsııa qyzmetkerleri balany orman alqabynan tapty, ol úıinen shamamen 10 shaqyrym jerde bolǵan.

Abaı oblysy polıtsııa departamentiniń málimetinshe, bala tań ata Zaton polıtsııa bóliminiń ýchaskelik ınspektorlary — Beken Asyl men Darhan Jumaǵalıevtyń kómegimen tabylǵan.

Qıyn ótetin jer bederine jáne túngi ýaqytqa qaramastan, tártip saqshylary izdeýdi toqtatpaǵan. Vedomstvoda atap ótkendeı, balanyń aman-esen tabylýyna polıtseılerdiń tabandylyǵy men kásibıligi sebep bolǵan.

— Іzdeý jumystary bastalǵan sátten bastap barlyq qurylymdardyń arasynda úılestirý uıymdastyryldy. Jergilikti jerdi jaqsy biletin ýchaskelik ınspektorlar basty ról atqardy. Osy kúrdeli jaǵdaıda ún qatyp, kómek kórsetken árbir azamatqa alǵysymyzdy bildiremiz, — dedi Abaı oblysy polıtsııa departamenti ókilderi.

Balany izdeý operatsııasyna 1000-nan astam adam jumyldyrylǵan. Olardyń qatarynda polıtsııa qyzmetkerleri, arnaıy jasaq (SOBR) sarbazdary, Ulttyq ulan áskerı qyzmetshileri, qoǵamdyq uıymdardyń ókilderi, eriktiler men Semeı qalasynyń beıjaı qaramaıtyn turǵyndary bar.

Іzdeý jumystary barlyq baǵytta júrgizildi — orman alqaptarynan bastap ashyq dalalar men jaǵalaý aımaqtaryna deıin. Іzdeýge qyzmettik ıtter, jylý kórýshi drondar tartyldy, keıbir aýdandarda tizbekpen júrý taktıkasy qoldanyldy.

Іshki ister organdary operatsııaǵa qatysqan árbir azamatqa alǵys bildirip, barlyq kúshterdiń uıymshyldyǵy men yntymaqtastyǵy sheshýshi ról atqarǵanyn atap ótti.

Balaǵa medıtsınalyq kómek kórsetildi. Qazirgi ýaqytta onyń ómiri men densaýlyǵyna qaýip tónip turǵan joq.

Eske salaıyq, 2018 jyly týǵan bala 21 maýsym kúni keshke Týrıstıcheskaıa kóshesindegi úıinen shyǵyp ketken bolatyn. Osy sátten bastap onyń qaıda ekeni belgisiz bolǵan.

Barlyq qyzmetterdiń úılesimdi áreketiniń arqasynda izdeý sátti aıaqtaldy.