Semeıde joǵalǵan 22 jastaǵy jigittiń denesi kópir astynan tabyldy
SEMEI. QazAqparat - Semeı qalasynda joǵalyp ketken 22 jastaǵy jigittiń denesi kópir astynan tabyldy, dep habarlaıdy QazAqparat tilshisi.
Shahar turǵyny Arman Muhalıev 10 mamyr kúni tańǵy saǵat 05.00-de úıden shyǵyp, sol kúıi qaıtyp oralmaǵan.
Ony izdestirýge polıtsııa qyzmetkerleri, volonterler men jergilikti turǵyndar tartyldy.
ShQO polıtsııa departamenti baspasóz qyzmetiniń málimetine súıensek, 13 mamyrda Ertis ózenindegi kópir astynan 22 jastaǵy er adamnyń máıiti tabylǵan.
Ony sol mańaıda ótip bara jatqan azamattar baıqap qalǵan.
- Qazirgi ýaqytta atalǵan fakti boıynsha Semeı qalalyq PB Zaton polıtsııa bóliminiń tártip saqshylary QR Qylmystyq Kodeksiniń 105-baby 1-bóligine sáıkes sotqa deıingi tergeý amaldaryn bastady. Sot-medıtsınalyq saraptama taǵaıyndalǵan. Oqıǵanyń mán-jaıy tekserilip jatyr, - dep habarlady vedomstvo ókilderi.
