Semeıde jetim balalar men kópbalaly otbasylarǵa pəter beriledi

SEMEI. QazAqparat - Semeıde jańadan boı kótergen Qaraǵaıly shaǵyn aýdanynda 6 kópqabatty turǵyn úı paıdalanýǵa beriledi, dep habarlaıdy QazAqparat Semeı qalasynyń aqparattyq ortalyǵyna silteme jasap.

Qala ákiminiń orynbasary Nıkolaı Ýshakovtyń sózinshe, bıyl atalmysh aýdanda taǵy 6 kópqabatty turǵyn úıdi paıdalanýǵa berý josparlanyp otyr. Olardyń ishinde jalǵa beriletin 136 páterli eki turǵyn úı bar.

«Bul úıler halyqtyń áleýmettik osal toptaryna arnalǵan. Jańa baspanalardyń 20%-y jetim balalarǵa berilip, qalǵan páterler múgedekter men kópbalaly otbasylar arasynda bólinedi»,-dedi N. Ýshakov.

Jalǵa beriletin turǵynúı jekeshelendirý quqyǵynsyz beriledi. Jańa úıdiń turǵyndary aı saıyn az kólemdegi jaldaý aqysyn tóleıtin bolady. Páterler kezek boıynsha berilmek. Qazirgi ýaqytta úıge terezelerdi ornatý jumystary júrgizilýde. Kópqabatty úılerdi osy jyldyń kúz aıynda paıdalanýǵa berý josparlanyp otyr.

Esterińizge sala keteıik, Qaraǵaıly jańa shaǵyn aýdany qaraǵaı borynyń janynda ornalasqan. Shaǵyn aýdanda sońǵy talaptarǵa saı turǵynúıler men sporttyq nysandar salynyp jatyr. Onyń ishinde 5 500 oryndyq «Abaı Arena» mádenı-sporttyq kesheni bar. Mamyr aıynda shaǵyn aýdanda muz saraıynyń qurylysy bastalady.