Semeıde jertóleden 2 adamnyń máıiti tabyldy
ASTANA. QazAqparat - Semeı qalasyndaǵy jertóleden eki adamnyń máıiti tabyldy, dep habarlaıdy QazAqparat ShQO prokýratýrasynyń baspasóz qyzmetine silteme jasap.
Quzyrly organ taratqan habarlamaǵa qaraǵanda, Semeı qalasynyń polıtsııasyna áıel jertóleden eki adamnyń máıitin tapqanyn aıtqan. Tabylǵan eki máıittiń biri habar bergen áıeldiń azamattyq nekedegi jubaıy bolǵan.
«Polıtsııa qyzmetkerleriniń tekserýi barysynda mert bolǵan eki adamnyń biriniń denesinen 20 jaraqattyń orny anyqtaldy. Ekinshisiniń moınynan qylqyndyrý belgileri tabyldy. Máıitterdi taýyp alǵan áıel qaıǵyly oqıǵa bolatyn kúni basqa jaqta bolǵan. Kýáger áıel mert bolǵan ekinshi adamdy tanymaıtyndyǵyn jetkizdi», - delingen baspasóz paraǵynda.
Qazirgi ýaqytta sotqa deıingi tergeý amaldary bastalyp, istiń mán-jaıy anyqtalýda.
