Semeıde jer úıden órt shyǵyp, bir adamdy kúıik shaldy
SEMEI. QazAqparat – Semeı qalasynda jeke turǵyn úıden órt shyǵyp, bir adamdy kúıik shaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Toraıǵyrov kóshesinde ornalasqan barak úlgisindegi ekiqabatty jeke turǵyn úıden órt shyqqan. Tilsiz jaý úıdiń qabyrǵasyna, shatyrdyń aǵash konstrýktsııalary men sharýashylyq qora-jaılarǵa jaıyldy. Órt sóndirýshiler oqıǵa ornyna shuǵyl kelip jetken.
«Kóp uzamaı jalpy aýmaǵy 50 sharshy metrdi quraǵan qyzyl jalyn aýyzdyqtaldy. Órtti óz betimen sóndirmek bolǵan 1966 jylǵy turǵynnyń qolyn termııalyq kúıik shalǵan. Oǵan jedel járdem dárigerleri alǵashqy medıtsınalyq kómek kórsetti», - dep habarlady vedomstvo ókilderi.
Belgili bolǵandaı, tilsiz jaý qoqys jaǵýdyń kesirinen shyqqan. Osy rette, departament mamandary óńir jurtshylyǵyna órt qaýipsizdigi erejelerin qatań saqtaý qajettigin eskertedi.
