Semeıde jedel járdem kóligi jol apatyna ushyrady
SEMEI. QazAqparat - Semeıde jedel járdem kóligi jol apatyna tústi. Zardap shekkender bar, dep habarlaıdy QazAqparat.
Jol apaty 15 sáýir kúni saǵat 23.00-de Shyǵys kentindegi Ýst-Kamenogorskaıa jáne Altynshy lınııa kósheleri qıylysynda bolǵan. Jedel járdem kóligine «Toyota» avtokóligi jol bermeı, basyp ozyp ketpek bolǵan. Jol apaty nátıjesinde jedel járdem kóliginde otyrǵan 5 adam zardap shekti. Onyń ishinde naýqas bala da bar. Barlyǵy ártúrli jaraqattarmen aýrýhanaǵa jetkizildi. Qazir 42 jastaǵy júrgizýshige qatysty hattama toltyrylyp, jol apaty boıynsha tekserý jumystary júrip jatyr. Jedel járdem kóligi naýqas balany aýrýhanaǵa ákele jatqan.
«Júrgizýshiniń ústinen QR ákimshilik quqyqbuzýshylyq kodeksiniń 608 babynyń 3 tarmaǵy boıynsha is qozǵaldy. Jol-kólik apaty boıynsha tekserý jumystary júrip jatyr»,-dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov.
