Semeıde jaıaý júrginshiler jolaǵynda er adamdy kólik qaqty
SEMEI. QazAqparat – Semeı qalasynda jaıaý júrginshiler jolaǵynan ótip bara jatqan er adamdy kólik qaǵyp ketti, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, jol-kólik oqıǵasy 23 maýsymda túngi ýaqytta Boztaev kóshesinde bolǵan.
«Anyqtalǵandaı, Mercedes markaly avtokólikti tizgindegen shahar turǵyny rettelmegen jaıaý júrginshiler jolaǵynan ótip bara jatqan er adamdy qaǵyp ketken. Jol apaty saldarynan jaıaý júrginshi dene jaraqattaryn aldy. Alǵashqy medıtsınalyq kómek kórsetilgennen keıin ol aýrýhanaǵa barýdan bas tartqan», - dep habarlady vedomstvo ókilderi.
Qazirgi ýaqytta atalǵan fakti boıynsha birqatar sot-medıtsınalyq saraptama taǵaıyndaldy. Sonyń nátıjeleri boıynsha protsessýaldyq sheshim qabyldanady.
Esterińizge sala ketsek, osyǵan deıin ShQO polıtseıleriniń bir aıda 37 myńnan astam quqyq buzýshylyqty anyqtaǵandyǵyn habarlaǵan bolatynbyz.
