Semeıde jaýyzdyqty nasıhattaǵan azamat sottaldy
SEMEI. QazAqparat - Semeıde jaýyzdyqty nasıhattaıtyn beınejazba taratqan azamatqa úkim shyqty, dep habarlaıdy QazAqparat Semeı qalalyq №2 sotynyń baspasóz qyzmetine silteme jasap.
38 jastaǵy qala turǵyny WhatsArr jelisindegi «Semeı-Ýka-Pavlodar» toby arqyly jaýyzdyq pen qatigezdikti nasıhattaıtyn beınejazbalardy taratqan. Azamat atalmysh topqa 2017 jyldyń qarasha aıynda qosylǵan. Sodan beri ol ózine beımálim adamnan kelgen 24 túrli rolıkti osy topqa salyp kelgen. Al muny 256 adam kórgen. Keıinnen rolıkterdi kórgen adamdardyń biri quqyq qorǵaý organdaryna aryzdanǵan. Azamattyń ústinen QR Qylmystyq kodeksiniń 313-baby boıynsha iz qozǵalyp, tergeý jumystary júrgiziledi. Sot otyrysy kezinde ol vıdeolar áleýmettik jeli arqyly kelgenin aıtyp, keshirim surady.
Sot sheshimimine azamat kináli dep tanylyp, bir jylǵa bas bostandyǵyn shekteý jáne 100 saǵattyq qoǵamdyq jumysqa tartý jazasy taǵaıyndaldy.
«Azamat «Qatygezdik pen kúsh qoldanýǵa bas urýdy nasıhattaıtyn týyndylardy zańsyz taratý» baby boıynsha jaýapqa tartyldy. Tergeý nátıjesinde taratylǵan beınejazbalar adamdy aıaýsyz óltirý, ekstremızmdi nasıhattaý jáne basqa da rolıkter ekeni anyqtaldy»,-dedi Semeı qalalyq №2 sotynyń baspasóz hatshysy Meıramgúl Mýrzakasımova.
