Semeıde jastar aıazda kóshe tazalap júrgen jumysshylarǵa ystyq shaı men baýyrsaq taratty

SEMEI. QazAqparat – Semeı qalasynda jastar aıazda kóshe tazalap júrgen jumysshylarǵa ystyq shaı men baýyrsaq taratty, dep habarlaıdy QazAqparat tilshisi.

Qazir Abaı oblysynda qatty aıaz bolyp tur. Onyń ishinde Semeıde aýa temperatýrasy 35 gradýsqa deıin tómendegen. Osyǵan oraı Shákárim atyndaǵy ýnıversıtettiń jastary «Shákárim shapaǵaty» aktsııasyn ótkizdi. Sonyń aıasynda aıazda kóshe tazalap júrgen jumysshylarǵa ystyq shaı men baýyrsaq taratyldy.

«Aıazda eńbek etip júrgen kóshe boıyndaǵy tehnıkalyq qyzmetkerlerdiń eńbegin joǵary baǵalaımyz. Sebebi kúnniń sýyǵyna qaramastan jumysyna adal azamattar árqashan jastarǵa úlgi», – deıdi joǵarǵy oqý ornynyń stýdenttik parlament spıkeri Mereı Syrymuly.

Onyń aıtýynsha, aktsııa aldaǵy ýaqytta da óz jalǵasyn tabady.