Semeıde jasóspirimder altynshy synyp oqýshysyn soqqyǵa jyqty
SEMEI. KAZINFORM — Semeı qalasynda altynshy synyp oqýshysyn soqqyǵa jyqqan jasóspirimderge qatysty qylmystyq is qozǵaldy.
Áleýmettik jelide Semeıde bir top jetkinshek óz qatarlasyn soqqyǵa jyǵyp jatqan vıdeo tarap ketti. Abaı oblysy polıtsııa departamentiniń málimetine súıensek, qazir atalǵan fakti boıynsha qylmystyq is qozǵalǵan.
— Іske qatysy bar barlyq bala tez arada anyqtalyp, ata-analarymen birge polıtsııa bólimshesine jetkizildi. Jetkinshekter polıtsııa bóliminde esepke alynady. Olardyń minez-qulqyn oblystyq kámeletke tolmaǵandardyń quqyǵyn qorǵaý komıssııasy qaraıtyn bolady. Balalaryn tárbıeleýde óz mindetterin durys oryndamaǵany úshin ata-analar qatań jaýapqa tartylady, — delingen aqparatta.
Oqıǵanyń sebepterine úńilý úshin oqý ornynyń ákimshiligine usynys jasalmaq.
Tergeý barysy Abaı oblystyq polıtsııa departamenti basshylyǵynyń erekshe baqylaýynda.
Eske salsaq, buǵan deıin ShQO-da balalardy býllıngten qorǵaý úshin arnaıy chat-bot iske qosylǵany habarlanǵan.
