Semeıde jas jigit kóligimen birge Ertiske batyp kete jazdady
SEMEI. QazAqparat - Semeıde Ertis ózenine batyp bara jatqan jeńil avtokólik sýdan shyǵaryldy. Kóliktiń rólindegi 27 jastaǵy júrgizýshi syrtqa shyǵyp úlgergen, dep habarlaıdy QazAqparat.
Oqys oqıǵa týraly habar 112 nómirine 5 qańtar kúni saǵat 17:51-de túsken. «VAZ 2114» markaly kóliginiń Ertis ózenine batyp bara jatqany týraly habardy kólik ıesi ózi habarlaǵan. Ol mashına ózenge túsip bara jatqanda salonnan óz betinshe shyǵyp úlgergen.
Anyqtalǵandaı, qala turǵyny ózenniń kelesi betine Ertis jaǵalaýymen júrip óte salmaq bolǵan. Alaıda, muz synyp ketken.
Qutqarýshylar kólikti ózennen shyǵaryp alý úshin 3 saǵat arpalysty. Bul iske 3 arnaıy tehnıka men sýdan qutqarý jáne órt sóndirý qyzmetiniń 9 mamany jumyldyryldy.
«Qyz mezgilinde Ertistegi sý deńgeıi kóterilip, jaǵalaýǵa qaraı jaıylady. Al azamat jazdan beri ózen jaǵalaýyn basyp ótip júrgenin aıtty. Sondyqtan ádetinshe, júrip ótpek bolǵan. Biraq, bul joly kóligimen birge batyp kete jazdady. Qaıta ózi kóliktiń terezesin ashyp, shyǵyp úlgergen. Qala turǵyndarynan óz ómirlerine nemquraıly qaramaýdy suraımyz», - dedi TJB baspasóz qyzmetinen.
