Semeıde jas jigit 100 doza sıntetıkalyq esirtkimen ustaldy

Semeılik polıtseıler sıntetıkalyq esirtkiniń 100-den astam dozasyn tárkiledi, – dep habarlaıdy Polisia.kz. 

25 tamyzda Abaı oblysy PD esirtki qylmysyna qarsy is-qımyl basqarmasynyń qyzmetkerleri «Quqyqtyq tártip», «Qarasora — 2023» JPІSh ótkizý sheńberinde esirtkiniń sıntetıkalyq túrlerin zańsyz taratqany úshin oblys ortalyǵynyń 21 jastaǵy turǵynyn ustady, onyń turǵylyqty jeri boıynsha tintý júrgizý barysynda untaq túrindegi zaty bar 14 zıp-paket tabylyp, tárkilendi.

Qorytyndyǵa sáıkes zertteýge alynǵan zat salmaǵy 28,88 gramm A-PVP psıhotroptyq zaty ekeni anyqtaldy, 3 zıp-pakette untaq túrindegi aq tústi mefedron bolǵan, salmaǵy 1,37 gr. Tárkilengen zattardyń jalpy salmaǵy — 30.25 gramm, bul — 100-den astam doza. Qara naryqtaǵy baǵasy shamamen 1 mıllıon teńgeni quraıdy.