Semeıde jarylystan aýyr jaraqat alǵan er adam aýrýhanaǵa jetkizildi
ASTANA. QazAqparat - Semeıde pyshaq qaırap otyryp, oıda joqta aýyr jaraqat alǵan jas jigit aýrýhanaǵa jetkizildi, dep habarlaıdy «QazAqparat» HAA tilshisi.
Oqys oqıǵa týraly Shyǵys Qazaqstan oblysynyń jumyldyrý daıyndyǵy basqarmasynyń baspasóz qyzmeti habarlaıdy. Tún jarymynda úıinde jas jigit pyshaq qaırap otyrǵan. Abaısyzda pyshaq qaıraýdan ushqan ushqyn oq dárige tıip, jarylyp ketken. Tótenshe jaǵdaıdan 34 jastaǵy jigit aýyr jaraqat alǵan.
«Jarylys nátıjesinde er adamnyń denesiniń 30 protsentin kúıik shalǵan. Ony birden medıtsınalyq jedel járdem kóligi alyp ketip, aýrýhanaǵa jatqyzdy», - dep habarlaıdy vedosmtvonyń baspasóz qyzmeti.
Aıan Óribaı
