Semeıde jaryq aqysyn qoldan qymbattatqan saıajaılar 25 mln teńge aıyppul tóledi
SEMEI. KAZINFORM – Abaı oblysynda jaryq aqysyn qoldan qymbattatyp, halyqqa shyǵyn keltirgen saıajaı kooperatıvterine 25 mln teńge aıyppul salyndy.
Oblys prokýratýrasynyń málimetine súıensek, turǵyndardyń aryzynan keıin «Semeı.Murat.Senim» jáne «Bobrovka» saıajaı kooperatıvterine tekserý júrgizilgen.
«Sonyń nátıjesinde, olardyń tıisti tirkeýsiz jáne ruqsatsyz monopolııalyq qyzmetti júzege asyrǵany, elektr energııasynyń tarıfterin asyra belgilegeni anyqtaldy. Naqty aıtqanda, energııa óndirýshi kásiporynnyń elektr energııasyn 1 kVt úshin 14, 202 teńgeden satyp alǵan kooperatıvter ony 1 kVt úshin 18 teńgege satqan (4 teńgege qymbat)», - delingen aqparatta.
Osylaısha 8,5 myńnan astam turǵyn jaryqqa artyq shyǵyndaldy.
Al saıajaıda turatyndardyń arasynda áleýmettik turǵyda osal sanattaǵylar kóp.
«Abaı oblystyq tabıǵı monopolııalardy retteý departamentine qadaǵalaý aktisi usynylyp, kooperatıvterge ÁQBtK-niń 164-baby 3-bóligi boıynsha jalpy somasy 25 mıllıon teńge aıyppul salyndy. Sonymen qatar oblystyq sottyń zańdy kúshine engen sheshimimen kooperatıvter taratylyp, olardyń zańsyz áreketteri toqtatyldy», - delingen habarlamada.
