Semeıde járdemaqy «rásimdegen» alaıaq turǵyndarǵa 2 mln teńge shyǵyn keltirgen
SEMEI. QazAqparat – Semeı qalasynyń turǵyndaryna bala kútimine baılanysty beriletin járdemaqy alýǵa, múgedektikti belgileýge jáne zeınetaqy qujattaryn jınaýǵa kómektesetindigin aıtyp aldaǵan alaıaq ustaldy, dep habarlaıdy QazAqparat tilshisi.
Shyǵys Qazaqstan oblystyq Polıtsııa departamenti baspasóz qyzmetiniń málimetine súıensek, qujatyn ala almaı, aqshacynan aıyrylǵan jábirlenýshiler polıtsııaǵa habarlasqan. Tártip saqshylary kóp uzamaı kúdiktini qolǵa túsirdi. Ol buryn sottalmaǵan, turaqty jumys orny joq 26 jastaǵy qala turǵyny bolyp shyqty.
«Atalǵan fakti boıynsha QR Qylmystyq kodeksiniń 190-baby 1-bóligimen sotqa deıingi tergeý amaly júrgizilip jatyr. Alaıaqtyq jolmen tapqan aqshany qajetine jumsap úlgergen kúdikti kinásin moıyndap otyr», - dedi ShQO PD bastyǵy Saǵat Mádıev.
Polıtseıdiń anyqtaýynsha, alaıaqtyń arbaýyna 8 adam ilikken. Jábirlenýshilerge 2 mln teńgege jýyq materıaldyq zalal keltirilipti.
