Semeıde janyp ketken saıajaılyq úıde áıel men balanyń múrdeleri tabyldy, 3 jastaǵy bala qutqaryldy
ASTANA. 23 qańtar. QazAqparat - Semeı qalasynda janyp ketken saıajaılyq úıde qutqarýshylar áıel men balanyń máıitterin tapty, úsh jastaǵy bala qutqaryldy.
QR TJM-niń baspasóz qyzmetinen habarlaǵandaı, seısenbi, 22 qańtar kúni Semeı qalasynda «Shyǵys oń jaǵalaý» saıajaı qoǵamyndaǵy úılerdiń birinen órt shyqty. Tilsiz jaý turǵyn úıdiń 80 sharshy metrin kúlge aınaldyrdy.
Jalynmen kúres barysynda ıis tıip ýlanǵan 2010 jyly týǵan bala oqıǵa ornynan qutqarylyp, aýrýhanaǵa jetkizildi. Órt ornynda 30 jastaǵy áıel men 5 jasar balanyń deneleri tabyldy.
Onymen kúreske QR TJM Shyǵys Qazaqstan oblysy boıynsha TJD órtke qarsy qyzmetiniń 13 adamy men 3 tehnıkasy jumyldyryldy.
