Semeıde jańajyldyq kórme ashyldy
SEMEI. QazAqparat – Semeıdegi F.Dostoevskıı atyndaǵy ádebı-memorıaldyq mýzeıde «Byltyrǵy qar 2020» atty kórme ashyldy, dep habarlaıdy QazAqparat.
Kórmege 200-den astam jańajyldyq atrıbýt qoıylǵan. Kelýshiler jańajyldyq hattardy, 19 ǵasyrdyń aıaǵynan bastap búgingi kúnge deıingi shyrshany bezendirýge arnalǵan zattardy, shaǵyn shyrshalardy, Aıaz ata men Aqshaqardy jáne taǵy basqa eksponattardy kóre alady.
«Oıynshyqtar kartonnan, maqtadan jáne shynydan jasalǵan. Olardyń árqaısysynyń óz ańyzy men óz taǵdyry bar», - deıdi kórme bóliminiń bastyǵy Vladımıra Soloveva.
Sonymen qatar kórmede jergilikti qolónershiler jasaǵan jańajyldyq bezendirgish zattar da usynylǵan. Osynyń arqasynda ekspozıtsııa alýan túrli boldy. Kórme 2021 jyldyń 20 qańtaryna deıin jalǵasady.
Aıta keteıik, mýzeıde barlyq sanıtarlyq normalar saqtalǵan. Kórmeni tamashalaý úshin aldyn ala telefon arqyly jazylý kerek.
