Semeıde jańa jylý elektr ortalyǵynyń qurylysy qashan bastalady
«Semeıde jylý elektr ortalyǵyn salý boıynsha Prezıdent tapsyrmasyn aldyq. Búginde «Samuryq-Energo» kompanııasymen birlesip jumys kiristik. Jylý elektr ortalyǵyn salýda otyn retinde kómirdi qoldaný josparlanýda. Sonymen qatar ortalyq kogeneratsııalyq rejımde jumys isteıdi. ıAǵnı elektr energııasymen qatar jylý júktemesin qosa qamtıdy. Jańa jylý elektr ortalyǵy Semeı qalasy jáne jalpy Abaı oblysy úshin óte qajet», - dedi Bolat Aqsholaqov Ortalyq kommýnıkatsııalar qyzmeti alańynda ótken baspasóz máslıhatynda.
Mınıstrdiń aıtýynsha, Semeıde jańa jylý elektr ortalyǵyn salatyn kompanııa tender arqyly anyqtalady.
Sondaı-aq, energetıka mınıstrliginiń málimetinshe, atalǵan jobany kelesi jyldyń tamyz-qyrkúıek aıynda bastaý josparlanyp otyr.
Eske salsaq, bıyl qyrkúıekte Memleket basshysy Qasym-Jomart Toqaev Abaı oblysyna jumys sapary barysynda Semeıde zamanaýı jylý elektr ortalyǵyn salýdy tapsyrǵan edi.
«Úkimetke ákimdikpen birlesip, Semeıde zamanaýı jylý elektr ortalyǵyn salý jáne ınfraqurylymdy jańartý máselesin qarastyrýdy tapsyramyn. Joba halyqtyń turmys sapasyna, sondaı-aq óńir ekologııasyna oń yqpalyn tıgizetini anyq», - degen bolatyn Prezıdent.
