Semeıde jańa jylý elektr ortalyǵy qashan salyna bastaıdy — ákim jaýaby

ASTANA. KAZINFORM — Semeıde jańa jylý elektr ortalyǵyn salý boıynsha jedel jumys toby quryldy. Bul týraly oblys Berik Ýálı málim etti. 

— Semeı qalasynyń oń jaǵalaýynda jylý energııasynyń tapshylyǵy bar (146,99 Gkal). Bul máseleni sheshý úshin Prezıdenttiń jańa jylý elektr ortalyǵyn salý týraly tikeleı tapsyrmasy bar. Osy maqsatpen ákimdiktiń, «Samuryq-Energo» aktsıonerlik qoǵamy men jobalaýshynyń qatysýymen jedel jumys toby quryldy, — dedi Berik Ýálı ortalyq kommýnıkatsııalar qyzmeti alańynda óńirdiń 9 aı ishindegi áleýmettik-ekonomıkalyq damýy týraly esep bere turyp.

Óńir basshysynyń aqparatyna sáıkes, qazir JEO salynatyn qurylys alańy men kúl úıindisin jınaqtaý orny anyqtaldy (qalanyń sol jaǵalaýy, Stepnoı kentiniń aýdany). 

— Búginde tehnıkalyq-ekonomıkalyq negizdemesin ázirleý jumystary aıaqtalý satysynda. Jylý qýaty — 1000 Gkal, elektr qýaty — 360 MVt bolady. Qurylystyń 1-shi kezeńin paıdalanýǵa berýdiń boljamdy merzimi 2029 jyldyń 3-shi toqsany. Joba aıasynda ekologııalyq turǵydan qolaısyz jáne qýattylyǵy tómen qazandyqtar jabylady, — deıdi ol.

Berik Ýálı Semeıde ónerkásip óndirisin keńeıtý úshin 500 gektar jer bólinetinin málim etti.