Semeıde jańa tarıhı jáne mádenı eskertkishter anyqtalýda
SEMEI. QazAqparat – Semeı qalasynda tarıhı eskertkishterdi aıqyndaý boıynsha qurylǵan komıssııanyń jumysy qorytyndylandy, dep habarlaıdy QazAqparat.
Komıssııa eki baǵytta jumys istedi: jańa tarıhı oryndardy anyqtaý jáne burynǵy mádenı eskertkishterdi zertteý.
«Qalalyq mádenıet jáne tilderdi damytý bólimine toqsan saıyn baıyrǵy tarıhı-mádenı muralar men jańa anyqtalǵan obektilerdiń qundylyǵyn zerttep, jylyna keminde bir ret jalpy monıtorıng júrgizetin mamandy shtatqa engizý usynyldy. Tabylǵan eskertkishterdi tarıhı-mádenı mura obektileriniń memlekettik tizilimine engizýdiń oryndylyǵyn anyqtaý kerek. Sondaı-aq qazirgi tańda zertteıtin taǵy birqatar ǵımarat bar. Komıssııa jumysy ary qaraı da jalǵasatyn bolady», - dedi komıssııa tóraǵasy Rafaıl Hazıpov.
Al mádenıet jáne tilderdi damytý bóliminiń basshysy Nazerke Aqqojına aldaǵy ýaqytta atalmysh komıssııamen birlese otyryp, tarıhı jáne mádenı eskertkishterdi anyqtaý jáne saqtaý jumystary júrgiziletindigin aıtty.
