Semeıde jańa kópir salynbaq
SEMEI. QazAqparat – Semeı qalasynda 2025 jylǵa deıin kólik qatynaıtyn kópir boı kóteredi, dep habarlaıdy QazAqparat tilshisi.
Bul jaıly Aqparat ortalyǵyndaǵy baspasóz konferentsııasyna qatysqan shahar ákimi Baqytjan Baıahmetov málimdedi.
«2025 jylǵa deıingi ınfraqurylymdy damytý baǵdarlamasy aıasynda Semeıde iri ınvestıtsııalyq jobalar júzege asyrylady. Sonyń biri – kólik qatynaıtyn jańa kópir salý. Bul maqsatqa 33,2 mlrd teńge jumsalmaq», - dedi ol.
Qazirgi ýaqytta jańa meshit mańynda jerústi jaıaý júrginshiler ótkeli salynǵan. Ótkeldiń uzyndyǵy - 48 metr, eni - 2,5 metr, bıiktigi - 5,3 metr.
«Bul ótkel halyqtyń suranysy boıynsha salyndy. Osylaısha, turǵyndarǵa meshitke jetý yńǵaıly bola tústi. Jerústi ótkeli meshittiń sáýletine sáıkestendirilip jasalǵan», - dedi Baqytjan Baıahmetov.
