Semeıde jalpy quny 54 mıllıon teńge zańsyz temeki tárkilendi
Shyǵys Qazaqstan oblysy boıynsha Ekonomıkalyq tergep-tekserý departamentiniń qyzmetkerleri Semeı qalasynda temeki ónimin zańsyz ótkizýdi anyqtady.
«Іs fıgýranttaryna tıesili saýda oryndary, qoımalar, mashınalarda júrgizilgen tintý nátıjesinde túrli ataýdaǵy aktsızdik markasyz 116 myńnan astam temeki tárkilendi. Júrgizilgen saraptamaǵa sáıkes temeki óniminiń quny 54 mıllıon teńgege baǵalanady», delingen habarlamada.
Atalǵan fakti boıynsha sotqa deıingi tergep-tekserý júrgizilip jatyr.
Vedomstvonyń málimdeýinshe, temeki ónimderiniń zańsyz naryǵy ulttyq deńgeıde qaýip. Bul sapasyz taýar nemese salyq tólemeý ǵana emes, sonymen birge qoǵam men memleketke aıtarlyqtaı qater tóndiredi.
Birinshiden, bul qylmys deńgeıiniń ósýi jáne krımınogendik jaǵdaıdyń nasharlaýy. Ekinshiden, kontrafakt temeki qoǵamdyq densaýlyqqa, ásirese jas urpaqqa tikeleı qaýip tóndiredi. Úshinshiden, álemde jyl saıyn shamamen 400 mıllıard zańsyz temeki satylady.
Temeki óniminiń zańsyz naryǵynyń álemdik aýqymy kóleńkeli sektordyń damýyna yqpal etip qana qoımaı, tutastaı alǵanda ekonomıkaǵa zardap tıgizedi.