Semeıde jalǵan PTR-test anyqtamasyn qoldanǵan er adam sottaldy

SEMEI. QazAqparat – Semeı qalasynda jalǵan PTR-test anyqtamasyn qoldanǵan 32 jastaǵy er adam sottaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary jalǵan PTR-test anyqtamasyn qoldaný faktisin anyqtady. Semeı qalasynyń 32 jastaǵy turǵyny ózi jumys isteıtin kásiporynǵa kirerde qoldan jasalǵan qujatty qoldanǵan.

«Belgili bolǵandaı, azamat belgisiz bireýlerden shahardaǵy zerthanalardyń biriniń atynan resimdelgen teris nátıjesi bar testti úsh ret satyp alǵan. 32 jastaǵy kúdiktiniń bul áreketteri QR QK-niń 385-baby 3-bóligi boıynsha (kórineý jalǵan qujatty paıdalaný) saralandy», - dedi oblystyq PD bastyǵy Saǵat Mádıev.

Tergeý amaldary aıaqtalǵan soń is qalalyq sotqa jetti. Sot úkimimen er adamǵa aıyppul túrinde jaza taǵaıyndaldy.