Semeıde zeınetkerdiń atyna mln teńge nesıe alǵan alaıaq ustaldy

SEMEI. QazAqparat – Semeı qalasynda alaıaq zeınetkerdiń atyna nesıe resimdegen, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan 73 jastaǵy qart kisi tanysynyń óz atyna nesıe alǵanyn jetkizdi. Zeınetkerdiń aıtýynsha, áńgimege tartqan alaıaq jeke derekterine qol jetkizgen.

«Osynyń saldarynan jábirlenýshige 1 300 000 teńge mólsherinde materıaldyq zalal keltirildi. Tártip saqshylary birden jedel-izdestirý sharalaryna kiristi. Kóp uzamaı kúdikti anyqtaldy. 48 jastaǵy jergilikti turǵyn polıtsııa bólimshesine jetkizilgen», - dep habarlady vedomstvo ókilderi.

Qazirgi ýaqytta atalǵan fakti boıynsha QR QK-niń 190-baby 1-bóligine (Alaıaqtyq) sáıkes sotqa deıingi tergeý amaldary júrgizilip jatyr.