Semeıde zeınetkerdi kólik qaǵyp, qaza boldy
ASTANA. KAZINFORM — 8 qyrkúıek kúni saǵat 12:00 shamasynda Toyota Land Cruiser avtokóliginiń júrgizýshisi Q. Muhamedhanov kóshesimen kele jatyp, Abaı kóshesine solǵa burylǵan kezde 69 jastaǵy áıeldi qaǵyp ketken.
Abaı oblysy Polıtsııa departamenti baspasóz qyzmetiniń málimetinshe, ol retteletin jaıaý júrginshiler ótkeli arqyly joldan ótip bara jatqan. Alǵan jaraqattarynyń saldarynan áıel oqıǵa ornynda qaıtys boldy.
— Jol qozǵalysy erejelerin buzyp, abaısyzda adam ólimine ákep soqtyrǵan kólik quralyn basqarǵan tulǵaǵa qatysty qylmystyq is boıynsha sotqa deıingi tergeý bastaldy, — dedi polıtsııa qyzmetkerleri.
Abaı oblysy Polıtsııa departamenti júrgizýshilerdi jaıaý júrginshiler ótkeline jaqyndaǵan kezde jyldamdyqty tómendetip, manevr jasaý barysynda erekshe saq bolýǵa shaqyrady.
Sondaı-aq jaıaý júrginshilerge joldyń júrý bóligine shyǵar aldynda, tipti baǵdarshamnyń ruqsat beretin sıgnaly janǵan kezde de, qozǵalystyń qaýipsiz ekenine kóz jetkizý usynylady.
Osyǵan deıin Almaty oblysynda jol apatynan eki jaıaý júrginshi mert bolǵanyn jazǵanbyz.
