Semeıde zańsyz jumys istep júrgen 10 ózbekstandyq anyqtaldy
SEMEI. QazAqparat – Semeı qalasynda zańsyz jumys istep júrgen 10 ózbekstandyq anyqtaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, polıtsııa qyzmetkerleri reıd júrgizý barysynda Qazaqstan Respýblıkasy aýmaǵynda tıisti ruqsat qaǵazdaryn rásimdemeı jumys istegen Ózbekstannyń 10 azamatyn anyqtady.
«Atalǵan fakti boıynsha olar QR ÁQBtK 517-baby 5-bóligine sáıkes jaýapqa tartylyp, ákimshilik qamaqqa alyndy. Sonymen qatar ýákiletti organnyń ruqsatynsyz shetelden jumys kúshin tartqany úshin jumys berýshige qatysty QR ÁQBtK-niń 519 baby 5 bóligimen 30 AEK mólsherinde aıyppul salyndy», - dep habarlady vedomstvo ókilderi.
Aıta keteıik, kóshi-qon qyzmeti sheteldikterdiń el aýmaǵynda jumys isteýiniń zańdylyǵyn turaqty túrde tekserip otyr.
