Semeıde volonterler 70-ten asqan qarttarǵa azyq-túlik pen dári-dármek jetkizýde

SEMEI. QazAqparat – Semeı qalasynda jasy 70-ten asqan zeınetkerler men І, ІІ toptaǵy múmkindigi shekteýli jandardyń úılerine azyq-túlik pen dári-dármek jetkizilýde, dep habarlaıdy QazAqparat.

Qala ákimdigi «Adal» sýpermarket jáne «Adal-pharm» dárihana jelisimen birlesip, qarttar men múgedekterge eń qajet zattardy úıge jetkizýdi uıymdastyrǵan. Ol úshin turǵyndar 52-12-12 telefon nómirine qońyraý shalyp, tapsyrys berýi tıis. Jastar resýrstyq ortalyǵynyń eriktileri tamaq pen dárilerdi tıisti meken-jaıǵa deıin jetkizedi.

«Tapsyrysty aptasyna bir ret jasaýǵa bolady. Baılanys ortalyǵynyń mamandary ótinishterdi 07.00-den bastap 19.00-ge deıin qabyldaıdy. Sáýirdiń 2-sinen beri 1200 ótinish túsken», - dedi aqparattyq tehnologııalar bóliminiń bas mamany Úmit Keńesbekova.

Zeınetker Bıbigúl Alpanova 70 jasta. Qosymsha shekteýler engizilgennen keıin zeınetker úıden shyǵýyn sıretti.

«Kórsetilgen nómirge qońyraý shalyp, ózime qajetti zattarǵa tapsyrys berdim. Eriktiler bárin ýaqytynda jetkizdi. Meniń oıymsha, mundaı qıyn ýaqytta biz úıde otyrýymyz kerek. Solaı ǵana biz ózimizdi jáne jaqyndarymyzdy juqpaly dertten qorǵaı alamyz», - deıdi Bıbigúl Alpanova.