Semeıde voleıboldan áıelder arasyndaǵy klýbtyq Azııa chempıonaty ótedi
SEMEI. QazAqparat – Semeı qalasynda bıyl voleıboldan áıelder arasyndaǵy klýbtyq Azııa chempıonaty ótedi, dep habarlaıdy QazAqparat tilshisi.
ShQO Aqparat ortalyǵynyń málimetine súıensek, 24 sáýir men 1 mamyr aralyǵynda Semeı voleıboldan áıelder komandalary arasyndaǵy klýbtyq Azııa chempıonatyn qabyldaıdy.
«Qaraǵaıly shaǵyn aýdanyndaǵy «Arena» mádenı-sport kesheninde ótetin dodaǵa áıelder arasyndaǵy voleıboldan sary qurlyqtyń eń úzdik 6 komandasy qatyspaq. Chempıonat aıasynda Qazaqstan, Japonııa, Taıland, Ózbekstan jáne Iran elderiniń komandalary ózara myqtyny anyqtaıdy», - delingen málimette.
Elimizdiń namysyn shyǵysqazaqstandyq «Altaı» jáne Soltústik Qazaqstan oblysynyń «Qýanysh» klýbtary qorǵaıtyn bolady.
Aıta keteıik, kásibı klýbtar arasyndaǵy voleıboldan qazirgi Azııa chempıony shyǵysqazaqstandyq komanda. Baıraqty básekede top jarǵan «Altaı» voleıbol klýby ótken jyly fınalda alań ıeleri taılandtyq Nakhon Ratchasima QminC komandasyn 3:0 esebimen jeńgen bolatyn.
