Semeıde voleıboldan áıelder arasynda Azııa chempıonaty bastalady
SEMEI. QazAqparat – Búgin Semeı qalasynda voleıboldan áıelder arasynda klýbtyq Azııa chempıonaty bastalady, dep habarlaıdy QazAqparat tilshisi.
ShQO Aqparat ortalyǵynyń málimetine súıensek, týrnırdiń uıymdastyrylýyna Qazaqstan Respýblıkasynyń Voleıbol federatsııasy, oblystyq Dene shynyqtyrý jáne sport basqarmasy men «Altaı» voleıbol klýby muryndyq bolyp otyr.
«Saıys Qaraǵaıly shaǵyn aýdanyndaǵy «Arena» mádenı-sport kesheninde ótedi. Oǵan áıelder arasyndaǵy voleıboldan sary qurlyqtyń eń úzdik 6 komandasy qatyspaq. Chempıonat aıasynda Qazaqstan, Japonııa, Taıland, Ózbekstan jáne Iran elderiniń komandalary baq synaıdy. El namysyn shyǵysqazaqstandyq «Altaı» jáne Soltústik Qazaqstan oblysynyń «Qýanysh» klýbtary qorǵaıdy», - delingen málimette.
Chempıonat 1 mamyrǵa deıin sozylady. Kirý tegin. Alǵashqy oıyn Taıland pen Ózbekstan quramalary arasynda ótedi.
