Semeıde úzdik muǵalimderge qurmet kórsetildi
Búgin Semeı qalasynyń ákimi Baqytjan Baıahmetov úzdik pedagogtarymen kezdesip, kásibı merekesimen quttyqtady.
«Muǵalimder kúni – bul jaı ǵana kásibı mereke emes. Bilimdi urpaq, bilikti maman tárbıelep kele jatqan ustazdardyń eńbegi ushan-teńiz. Elimizdiń órkendeýine, qoǵamymyzdyń damýyna qosqan úlesterińiz ólsheýsiz. Mamandyq ıelerin merekemen shyn júrekten quttyqtaımyn», - dedi ol.
Kezdesýge qalanyń 30 úzdik muǵalimi shaqyryldy.
Olardyń arasynda pedagogıkanyń eńbek ardagerleri, bilim berýdiń qurmetti qyzmetkerleri, Ybyraı Altynsarın tósbelgisiniń ıegerleri, bilim berý úzdikteri, ǵylymı jobalardyń, respýblıkalyq jáne halyqaralyq dárejedegi konkýrstardyń jeńimpazy boldy.
Qatysýshylar óskeleń urpaqty tárbıeleýdegi pedagogtyń erekshe rólin atap ótti.
Qonaqtardy qaladaǵy balabaqshalar, balalar men jastar shyǵarmashylyq saraıynyń tárbıelenýshileri quttyqtap, merekelik kesh uıymdastyrdy.
