Semeıde úıdiń qulaǵany týraly jalǵan vıdeo taratýshy sottaldy

Aıyptalýshy ekinshi toptyń múgedegi bolǵan. Sot materıaldaryna sáıkes, 2017 jyldyń 24 mamyrynda Ýatsap messendjerindegi «Semey Fishing Clab» tobyna kóp qabatty úıdiń qulaǵany kórsetilgen ataýsyz beıne jazba kelip túsken. Aıyptalýshy atalǵan beınejazbany basqa memlekette bolǵanyn bile tura, Youtube vıdeohostınginde beınejazbany «JEDEL TJ. EKSKLıÝZIV. Qazaqstan. Semeı Qalasy 14.23 búgin kúndiz 2017 jyly 24 mamyr. Kireberis qulaýy» taqyrybymen salyp jibergen. Úreıli vıdeony ǵalamtorda 400 myńnan astam kórip úlgeripti. Tipti áleýmettik jeli qoldanýshylardyń keıbiri quqyq qorǵaý organdaryna qońyraý shalyp shaǵymdanǵan.
«Semeı qalasynyń prokýrory QR Qylmystyq kodeksiniń 612, 615, 616-baptaryn basshylyqqa ala otyryp qylmystyq is boıynsha sottalýshy jáne sottalýshynyń qorǵaýshysymen kináni moıyndaý turǵysynda protsessýaldy kelisim jasady. Sot úkimi boıynsha sottalýshy kórineý jalǵan aqparat taratqany úshin kináli dep tanylyp, onyń 2 jyl 6 aıǵa bas bostandyǵy shekteldi», - dep habarlaıdy sottyń baspasóz qyzmeti.
Úkim zańdy kúshine engen joq.