Semeıde úsh temirjolshy teplovozdan 300 lıtr janarmaı urlady
ASTANA. QazAqparat - Semeıde kólik polıtseıleri teplovozdan 300 lıtr dızeldik otyn urlaǵan temirjol qyzmetkerlerin ustady.
Kóliktegi ІІD baspasóz qyzmetiniń habarlaýynsha, 16 mamyrda jedel-izdeý sharalaryn ótkizý barysynda Semeı stansasyndaǵy Jelilik ishki ister bóliminiń krımınaldyq polıtsııa qyzmetkerleri Semeı stansasynyń júk parkinde teplovozdan jalpy kólemi 300 lıtrdi quraǵan dızeldik otyndy urlaǵan úsh er adamdy ustady.
Tekserý kezinde kólik polıtseıleri urlyqty jasaǵan Lokomotıv deposyndaǵy úsh qyzmetker ekenin anyqtady. Olardyń jasy - 29, 41 jáne 42-de.
Atalǵan fakti boıynsha QR QK-niń 189-babymen (Senip tapsyrylǵan ózgeniń múlkin ıemdený nemese talan-tarajǵa salý) sot aldyndaǵy tergeý amaldary bastaldy.
