Semeıde urlanǵan kólikpen ǵımaratty soqqan júrgizýshi qaıtys boldy
SEMEI. QazAqparat – Semeıde kólik júrgizýshisi ǵımaratqa soǵylyp mert boldy. Shyǵys Qazaqstan oblystyq Polıtsııa departamentiniń málimetteri boıynsha kólik urlanǵan, dep habarlaıdy QazAqparat Semey News saıtyna silteme jasap.
Polıtsııanyń habarlaýynsha, 41 jastaǵy Rıdder turǵyny «GAZ 330202» markili urlanǵan kólikpen Chehov kóshesiniń boıymen kele jatyp, Chaıkovskıı kóshesi arqyly Telman kóshesine burylmaq bolǵan. Alaıda ol kólikti basqar almaı qalyp, Chehov kóshesiniń boıyndaǵy 73 meken-jaıda ornalasqan ǵımaratqa soǵylǵan.
Jol apaty saldarynan júrgizýshi oqıǵa ornynda mert boldy. Osy fakti boıynsha birneshe saraptama taǵaıyndaldy.
