Semeıde Ulttyq ulan ofıtseri sýǵa batyp bara jatqan adamdy qutqaryp aldy

SEMEI. QazAqparat - Semeıde QR Ulttyq ulan leıtenanty qutqarýshylar kelgenshe sýǵa kete jazdaǵan adamdy qutqaryp qaldy, dep habarlaıdy QazAqparat tilshisi ShQO TJD baspasóz qyzmetine silteme jasap.

Oqys oqıǵa búgin Ertis ózeninde tirkelgen. Qyzmet babynda júrgen kezinde rota komandıriniń orynbasary Aıbek Isaev kómekke shaqyrǵan adamnyń daýysyn estip qalady. Ofıtser ózende egde adamnyń sýǵa batyp bara jatqanyn kóredi. Keıin anyqtalǵanyndaı, 1937 jylǵy qart balyqshy muzdyń qalyńdyǵyn eskermeı, oqys jaǵdaıǵa tap bolǵan eken.

«Kómekke muqtaj adamdy kórgennen keıin men oılanbastan sýǵa qaraı júgirdim. Býshlatymdy sheship, muz ústinde barynsha qashyqtyqty saqtaýǵa tyrystym. Alaıda er adamǵa jaqyndaý áste múmkin bolmady. Sál shalys bassam ózime de qaýip tóner edi», - deıdi Aıbek Isaev.

№5511 áskerı bóliminiń leıtenanty zardap shekken adamǵa usynylǵan taqtaǵa jaqyndap, myqtap ustaý kerektigin túsindiredi. Qart adam bergen keńesti eki etpeı oryndaǵan soń áskerı qyzmetshi ony jaǵaǵa alyp shyqqan. Leıtenant Isaev osydan keıin qutqarýshylardy shaqyrǵan.

Balyqshy da, áskerı qyzmetshi de medıtsınalyq kómekke muqtaj bolmapty. TJD-dan habarlaǵandaı, ótken aptada da osyndaı jaǵdaıdyń tirkelgenin eskertedi. Balyqshylar óziniń áýesqoılyǵymen ómirine qaýip tóndirip jatqanyn eskere bermeıdi.