Semeıde Ulttyq dombyra kúnine oraı Abaıdyń dombyrasy kórmege qoıyldy
SEMEI. KAZINFORM — Kópshilik nazaryna 30-ǵa jýyq jádiger usynyldy.
Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵynda Ulttyq dombyra kúnine oraı «Qazaǵymnyń únisiń sen – dombyra!» atty kórme ashyldy. Kórmedegi eń qundy jádigerlerdiń biri – mýzeı qorynda saqtalǵan Abaı Qunanbaıulynyń dombyrasy.
Kópshilik nazaryna 30-ǵa jýyq jádiger usynyldy. Olardyń qatarynda Abaıdyń dombyrasymen birge, Shákir Ábenuly men Ahat Shákárimulynyń mýzykalyq aspaptary da bar.
Qazaq mádenıetinde ózindik qoltańba qaldyrǵan tulǵalardyń mýzykalyq aspaptary da kórmede jınaqtaldy. Kelýshiler Mádenıet Eshekeevtiń, Bolat Sybanovtyń, Arǵynbek Ahmetjanovtyń, Nurıdden Imanbaevtyń jáne ózge de óner ıeleriniń dombyralaryn tamashalaı alady.
Ekspozıtsııaǵa Buqar jyraý atyndaǵy Pavlodar oblystyq ádebıet jáne óner mýzeıi men Qostanaı qalasyndaǵy Abaı atyndaǵy mektepten mýzeı qoryna tabystalǵan mýzykalyq aspaptar, sondaı-aq Abaıdyń mýzykalyq murasy men qazaqtyń halyq aspaptarynyń tarıhyna arnalǵan ǵylymı eńbekter de qoıyldy.
Aıta ketelik Aqtóbede 1500 dombyrashy bir mezgilde birge «Kóńilashar» kúıin tartty.
