Semeıde TJD qyzmetkerleri ózen ortasynda turyp qalǵan jylqylardy qutqardy
SEMEI. QazAqparat – Semeıde erekshe qutqarý operatsııasy júzege asyryldy. Ertis ózeni arnasyna túsip ketken jylqylar jaǵaǵa shyǵa almaı qalǵan. Bul týraly QazAqparat tilshisi ShQO TJD-nyń baspasóz qyzmetine silteme jasaı otyryp habarlaıdy.
30 jeltoqsan kúni Tótenshe jaǵdaılar departamentine Semeı qalasynyń turǵyny habarlasyp, 6 bas jylqysy Ertis ózeniniń arnasynan shyǵa almaı turǵanyn habarlaǵan.
«Ózendegi sý tolyq qatpaǵan, sol sebepti jylqylarǵa muz ústimen jetý múmkin emes edi. Jylqy ıesi qutqarýshylardan kómek surady. Qutqarýshylar «Lıman» arnaıy kıimin kıip, ózen arnasynan shyǵa almaı turǵan jylqylar ashtan ólip qalmasy úshin shóp jetkizip berdi», - delingen baspasóz habarlamasynda.
Sý betindegi muz qatqan soń jylqy ıesi jylqylaryn óz aýlasyna qaraı alyp kete alady. Dál qazirgi ýaqytta jylqylarǵa qaýip tónip turǵan joq.
Avtory: Rýslan Shaqabaev
