Semeıde túrmeden shyǵarýǵa kómektesem degen alaıaq ustaldy
SEMEI. QazAqparat - Semeı qalasynyń turǵynyn «kúıeýińizdiń túrmeden shyǵýyna kómektesemin» dep aldaǵan alaıaq ustaldy, dep habarlaıdy Qazaqparat.
Semeı qalalyq Polıtsııa basqarmasyna 22 qańtar kúni aryzdanǵan áıel alaıaqqa aldanyp qalǵanyn aıtqan. Beıtanys bireý oǵan adam óltirgeni úshin temir torǵa qamalǵan 60 jastaǵy jubaıynyń túrmeden shyǵýyna kómektesetindigine sendirip, bul «qyzmetin» 3 mln teńgege baǵalapty. Oıyna esh sekem kelmegen azamatsha suraǵan somasyn bere salǵan.
«Jedel-izdestirý sharalary barysynda polıtsııa qyzmetkerleri kúdiktini qolǵa túsirdi. Buǵan deıin alaıaqtyq jasaǵany úshin sottalǵan Úrjar aýdanynyń 44 jastaǵy turǵyny kinásin moıyndap otyr» - dep habarlady Semeı qalalyq Polıtsııa basqarmasynyń baspasóz qyzmeti.
Qazirgi ýaqytta atalǵan fakti boıynsha QR QK-niń 190-babymen (Alaıaqtyq) sotqa deıingi tergeý amaldary júrgizilýde.
