Semeıde turǵyndarǵa 1 mln teńge shyǵyn keltirgen ury ustaldy
SEMEI. QazAqparat - Semeıde polıtsııa qyzmetkerleri qoǵamdyq kólik ishinde qalta urlyǵymen aınalysyp kelgen 25 jastaǵy qala turǵynyn qolǵa túsirdi, dep habarlaıdy QazAqparat.
Jumyssyz azamat buǵan deıin de urlyq jasaǵany úshin isti bolǵan. Qazir urlanǵan zattardyń keıbiri tárkilenip, ıelerine qaıtarylǵan.
Qalta urysy qylmystyq áreketin kóp jaǵdaıda tańerteńgi ýaqytta júzege asyryp kelgen. Adam kóp kezde qaltadan bildirtpeı baǵaly zattar men aqshany jymqyryp ketip otyrǵan. Ásirese, stýdentter men mektep oqýshylaryn san soqtyryp kelgen. Búgingi kúnge deıin 12 urlyq áreketine qatysy bary anyqtaldy. Tergeý jumystary jalǵasyp jatyr. Al keltirilgen jalpy shyǵyn kólemi - 1 mln teńge.
«Jedel izdestirý sharalary kezinde Áýezov polıtsııa bóliminiń qyzmetkerleri azamatty qolǵa túsirdi. Qazir onyń ústinen QR Qylmystyq kodekstiń 188-baby 1-tarmaǵy boıynsha is qozǵaldy.
Ákki ury kóbine uıaly telefondardy qoldy etip ketip otyrǵan. Mysaly, №56 marshýt ishinde 63 jastaǵy qala turǵynynan quny 300000 myń teńge turatyn uıaly telefonyn, 16 jastaǵy qyzdyń 87000 myń teńgelik, al taǵy bir qala turǵynynan 63000 myń teńge turatyn uıaly telefonyn urlaǵan. Keıin ony arzan baǵaǵa satyp jibergen. Qazir sotqa deıingi tergeý júrip jatyr», - dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov.
