Semeıde turǵyn úılerge «aqyldy» domofondar ornatylýda
SEMEI. QazAqparat - Semeı qalasynyń kópqabatty turǵyn úılerine «aqyldy» domofon ornatý jumystary jalǵasýda, dep habarlaıdy QazAqparat.
Jyl basynda elimizdegi alǵashqy «aqyldy» domofondar qaladaǵy «ıÝnost» yqshamaýdanyndaǵy kópqabatty turǵyn úıge ornatylǵan. Bastama turǵyndar kóńilinen shyqqan soń Qaraǵaıly yqshamaýdanyndaǵy turǵyn úılerge de qondyryla bastady. Qazir osyndaǵy 3 kópqabatty turǵyn úıge ornatylǵan. Jyl sońyna deıin taǵy birneshe úıge smart-domofon ornatylady.
Atalmysh domofondardyń qarapaıym qurylǵylardan birqatar aıyrmashylyǵy bar. Arnaıy serverlik júıe ornatylǵandyqtan 24 saǵat boıy beınebaqylaý júrgizedi. Baqylaý Іshki ister basqarmasynyń jedel basqarý ortalyǵyna qosylǵandyqtan, «SOS» batyrmasyn basqan kezde habar quqyqqorǵaý organyna 3 sekýndta jetedi. Jáne «aqyldy» domofondy mobıldi qosymsha arqyly qashyqtyqtan basqarýǵa bolady.
Aıta keteıik, joba avtorlary - tatarstandyq «Spýtnık» kompanııasynyń ókilderi.
«Artyqshylyǵy kóp. Birinshi kezekte azamattardyń qaýipsizdigin qamtamasyz etedi. Jáne úı ıesi aýla mańynda ne bolyp jatqanyn qashyqtyqtan baqylaýǵa múmkindigi bolady. Bul domofondar kópsalaly bolǵandyqtan turǵyndardy aqparattandyrý, olardyń arasynda saýalnama júrgizý tetikteri de qarastyrylǵan. Búginde turǵyndar tarapynan qoldaý taýyp jatyr deýge bolady», - deıdi «Spýtnık» kompanııasynyń ókili Tımýr Ahýnjanov.
