Semeıde turǵyn úı órtenip, 100-ge jýyq adam evakýatsııalandy
ASTANA. QazAqparat - Semeı qalasynda bes qabatty úıdegi órt saldarynan 93 adam qaýipsiz jerge kóshirildi, dep habarlaıdy QazAqparat TJK baspasóz qyzmetine silteme jasap.
«1 qańtar kúni saǵat 12:22 kezinde órtke qarsy qyzmetke Semeı qalasynda bes qabatty úıdegi órt týraly habar kelip tústi. Tilsiz jaý birinshi qabatta 10 sharshy metr jerdi sharpyǵan. Qyzyl jalyn saǵat 13:41-de aýyzdyqtalyp, 13:56-da tolyqtaı óshirildi», - delingen taratylǵan málimette.
Órt sóndirýshiler kúshimen 93 adam qaýipsiz derge kóshirildi, onyń ishine 25 bala bar. Zardap shekkender joq. Oqıǵa ornyna Shyǵys Qazaqstan oblysy TJD-nyń jeke quramyndaǵy 37 adam men 6 arnaıy tehnıka jumyldyryldy.
