Semeıde turǵyn úı kezeginde 10 myńnan astam otbasy tur
SEMEI. QazAqparat - Semeı qalasynda búginde turǵyn úı kezeginde 10 739 otbasy tur, dep habarlaıdy QazAqparat.
Qalalyq turǵyn úı-kommýnaldyq sharýashylyǵy bólimi basshysynyń orynbasary Dıana Shaıahmetovanyń aıtýynsha, baspana kezeginde 403 kópbalaly, 1654 tolyq emes jáne 1654 múgedek bala tárbıelep otyrǵan otbasy bar.
«Byltyr 210 otbasyǵa úı berildi. Onyń ishinde 103-i kópbalaly, 27-i jetim balalar, 86-y áleýmettiń áljýaz sanatyndaǵylar. Sondaı-aq «Nurly jer» baǵdarlamasy aıasynda bıýdjettik uıymdarda kezekte turǵan 12 adam Turǵyn-úı qurylys jınaq banki arqyly baspanaǵa qol jetkizdi» - deıdi ol.
