Semeıde turǵyn úı aýlasyna jylan kirip ketti
SEMEI. QazAqparat – Semeı qalasynda jeke turǵyn úı aýlasyna jylan kirip ketken, dep habarlaıdy QazAqparat tilshisi.
Qalalyq Tótenshe jaǵdaılar basqarmasy baspasóz qyzmetiniń málimetine súıensek, 27 qazanda tús kezinde Jangeldın kóshesindegi jer úıdiń aýlasyna jylan kirip ketkendigi jaıly habar túsken.
«Jylandy baıqap qalǵan úı ıeleri lezde qutqarýshylardy shaqyrdy. Oqıǵa ornyna kelip jetken qutqarýshylar baýyrmen jorǵalaǵyshty buǵalyqpen ustap alyp, shelekke saldy», - dep habarlady vedomstvo ókilderi.
Osydan keıin olar qala shetine shyǵyp, jylandy erkindikke jibergen.
