Semeıde turǵyndar eki kúnnen beri jaryqsyz otyr
SEMEI. KAZINFORM — Semeıdegi Bobrovka saıajaıynda turǵyndar eki kúnnen beri jaryqsyz otyr. Saldarynan úılerde ystyq sý toqtap, ata-analar balalaryn mektepke jiberýde qıyndyqqa tap bolǵan. Ashýǵa býlyqqan jurtshylyq osylaı dep shaǵymdanyp jatyr.
— Ekinshi kún boldy barlyq mekemelerge habarlasyp jatyrmyz. Tońazytqyshtan sý aǵyp jatyr, dala bolsa sýyq. Balalardy qalaı mektepke jiberemiz, úı tapsyrmasyn qalaı oryndaıdy? Barlyǵynyń jaýaby bir — «ótinim qabyldandy», «jumys júrgizilip jatyr». Qashanǵa deıin jurtty mazaq qylady?» — deıdi jergilikti turǵyn Darına.
Ákimdiktiń málimetinshe, saıajaıdaǵy elektr jelileri zaqymdanǵan. Jaryq jóndeý jumystary tolyq aıaqtalǵannan keıin beriledi.
Jergilikti ákimdiktiń málimetinshe, bul is-sharalar kelesi qujattarǵa sáıkes júzege asyrylady:
• Qazaqstan Respýblıkasynyń «Elektr energetıkasy týraly» Zańy;
• Tutynýshylardyń elektr qondyrǵylaryn paıdalaný qaǵıdalary;
• Turǵyn úı-kommýnaldyq sharýashylyq jáne energetıka salasyndaǵy normatıvtik-quqyqtyq aktiler.
Aıta keteıik, biz osyǵan deıin Semeıde úsh kúnde bir aılyq normadan astam jaýyn jaýǵanyn aıtqan bolatynbyz.