Semeıde turaq boksy órtendi
ASTANA. KAZINFORM – Qutqarýshylar 5 reıstik avtobýsty órtten saqtap qaldy. Bul týraly TJM baspasóz qyzmeti habarlady.
Tún ortasynda 112 pýltine kúzet qyzmetinen Semeı qalasynda halyqaralyq jolaýshy tasymalymen aınalysatyn jeke menshik kompanııanyń aýmaǵynda turaq boksynan tútin shyqqany týraly habarlama kelip túsken.
TJD kúshteri shaqyrtýǵa joǵary rangpen shyqty. Tútinniń joǵary tyǵyzdylyǵyna qaramastan, gaz-tútinnen qorǵaý qyzmeti barlaý kezinde boksta jeńil avtokóliktiń janyp, órt shatyrdyń aǵash konstrýktsııalaryna kóshkenin anyqtady.
Órt sóndirýshiler órttiń kórshi qurylystarǵa taralýyna jol bermeı, 5 reıstik avtobýsty syrtqa alyp shyqty.
Órt 250 sharshy metr alańda oqshaýlandy. Zardap shekkender joq.
Aıta ketelik Baıanaýyldyq órt sóndirýshiler ájesi men eki nemeresin qutqardy.