Semeıde tuńǵysh ret «ProfCity-2024» is-sharasy ótti
SEMEI. KAZINFORM – Respýblıka kúni qarsańynda Semeı qalasynda alǵash ret «ProfCity-2024» is-sharasy uıymdastyryldy. Bul týraly Abaı oblystyq ákimdiginiń baspasóz qyzmeti málim etti.
«Bul is-shara eldiń ekonomıkalyq turaqtylyǵyn nyǵaıtyp, jumysshy mamandyqtarynyń bedelin arttyrýǵa baǵyttalǵan. Oǵan qaladaǵy barlyq joǵary oqý oryndary men kolledjder qatysty, ózderi oqytatyn mamandyqtar boıynsha sheberlik synyptary men kórmeler uıymdastyrdy. Kórmege feldsher, órt sóndirýshi, ІT maman, shashtaraz, dızaıner, dánekerleýshi syndy túrli mamandyqtar qatysty», — delingen habarlamada.
Іs-sharany mektep oqýshylarymen birge qala ákimi Nurbol Nursaǵatov ta tamashalady.
Bul sharanyń maqsaty — oqýshylarǵa bolashaq mamandyq tańdaýda kómek kórsetý, paıdaly kásipter týraly kózqarastaryn damytý jáne mamandyqtardyń erekshelikterin tanystyrý.
Іs-shara barysynda oqýshylar mamandyqtardyń «obrazyna» enip, olardyń qyzyqty ári qıyn tustaryn sezinip kórý múmkindigine ıe boldy.
