Semeıde týǵan ulyn óltirgen áke sottaldy
SEMEI. QazAqparat - Semeıde óz ulyn pyshaqtap óltirgen 56 jastaǵy er adam 10 jylǵa sottaldy.
Oqys oqıǵa maýsym aıynda bolǵan. Ákesi men uly áńgimelesip, birge ishimdik ishedi. Keıin ákesiniń anasy kelip, ulyna bul áreketiniń durys emes ekenin aıtyp, eskertý jasaıdy. Biraq anasynyń aıtqan sózine ashýlanyp, beıádep sózder aıta bastaǵan soń uly ákesinen ájesine aıǵaılamaýdy suraıdy. Osy kezde masaırap qalǵan ákesi men ulynyń arasynda janjal shyǵady. Kıkiljiń kezinde ákesi as úı ústelindegi pyshaqty alyp, kózsiz áreketke barǵan.
«Óz ulyn óltirgen ol sot otyrysynda istegen isine ókinip, bulaı jasaǵysy kelmegenin aıtty. Sot sheshimimen QR Qylmystyq kodeksiniń 99-baby, 1-tarmaǵy boıynsha azamat aıypty dep tanylyp, 10 jylǵa bas bostandyǵynan aıyrý týraly úkim shyǵaryldy», - dep málimdedi Shyǵys Qazaqstan oblystyq qylmystyq ister jónindegi mamandandyrylǵan aýdanaralyq sotynyń baspasóz qyzmetinen.
