Semeıde Toıota aýdarylyp, 2 adam mert boldy
ÓSKEMEN. QazAqparat - Semeıde bolǵan jol apaty kezinde eki adam qaza tapty, dep habarlaıdy «QazAqparat» HAA tilshisi.
Mıchýrına kóshesinde tańǵy saǵat 4-te 33 jastaǵy júrgizýshi júrgizip kele jatqan «Toıota Kamrı» avtomobıli aýdarylyp ketken. Jol-kólik apaty saldarynan júrgizýshi men 28 jastaǵy jolaýshy mert boldy. Apattyń mán-jaıy ázirge belgisiz, polıtsııa tergeý jumystaryn júrgizip jatyr.
Osy demalysta óńirde 7 jol-kólik apaty bolǵan. Onda 4 adam qaza taýyp, 8 adam zardap shekken. «Óskemen-Samara» tasjolyndaǵy Samsonovka aýylynyń aýmaǵynda 49 jastaǵy «Folksvagen Golf» avtomashınasynyń júrgizýshisi aldyndaǵy kólikti basyp ozyp bara jatqanda, qarsy jolaqtaǵy «Gaz-31105» kóligimen soqtyǵysqan. Soqtyǵysý saldarynan «Folksvagen Golf» jolaýshysy alńǵan jaraqatynan oqıǵa ornynda kóz jumsa, taǵy bir jolaýshy aýrýhanaǵa jetkizildi.
Fakti boıynsha QR QK 345-baby boıynsha tergeý jumystary júrgizilip jatyr.
Sondaı-aq, senbi kúni Qumkól aýylyndaǵy jolda 50 jastaǵy traktorshy shaǵyn traktordyń rýlin basqara almaı aýdarylyp, sol jerde mert boldy.
