Semeıde toı kortejiniń júrgizýshilerine aıyppul salyndy
SEMEI. QazAqparat - Semeıde toı kortejinde jol erejesin óreskel buzǵan kólik júrgizýshilerine aıyppul salyndy, dep habarlaıdy QazAqparat.
Ustalǵan 3 kólik júrgizýshisine 35 AEK mólsherinde aıyppul salyndy. Bul - 84 175 teńge.
Azamattar QR Ákimshilik quqyq buzýshylyq týraly kodekstiń 3 babyna sáıkes jaýapkershilikke tartyldy.
Ustalǵandardyń ekeýi «Toyota Camry», úshinshisi «VAZ 21099» markaly kólikterin tizgindegen.
«Toyota Camry» júrgizýshisiniń birine QR Ákimshilik quqyqbuzýshylyq kodeksiniń 2-baby boıynsha manevr jasaý erejesin buzǵany jəne kólik quraldary qozǵalysyna kedergi keltirgeni úshin hattama toltyryldy.
Ekinshi kólik ıesine kólik quraldarynyń qozǵalysyna qıyndyq týǵyzǵany úshin, al úshinshi kólik júrgizýshisine de jol erejelerin buzǵany aıyppul salyndy», - dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov.
Aıta ketsek, buǵan deıin Semeıde jol erejesin óreskel buzǵan toı korteji júrgizýshilerine izdeý jarııalanyp, bir kún ótken soń aty-jónderi anyqtalǵan bolatyn.
